កូរ៉េខាងត្បូង ៖ ប្រធានាធិបតីកូរ៉េខាងត្បូង លោក Yoon Suk Yeol ដែលពណ៌នាគូប្រជែងនយោបាយរបស់គាត់ថាជា «កងកម្លាំងប្រឆាំងរដ្ឋ»បាននិយាយថា កូរ៉េខាងជើងប្រហែលជាបានជ្រៀតជ្រែកការបោះឆ្នោតរបស់ប្រទេសហើយបានការពារបទបញ្ជាច្បាប់អាជ្ញាសឹកមួយដង្ហើមចង្រឹតកាលពីសប្តាហ៍មុនថាជាសកម្មភាពផ្លូវច្បាប់ដើម្បីការពារលទ្ធិប្រជាធិបតេយ្យ។
ដោយថ្កោលទោស «វិបត្តិជាតិ» លោក Yoon បាននិយាយនៅក្នុងសុន្ទរកថាតាមទូរទស្សន៍ថា «រដ្ឋសភាដែលគ្រប់គ្រងដោយគណបក្សប្រឆាំងដ៏ធំ បានក្លាយជាបិសាចដែលបំផ្លាញសណ្តាប់ធ្នាប់រដ្ឋធម្មនុញ្ញនៃលទ្ធិប្រជាធិបតេយ្យសេរី»។
ការអត្ថាធិប្បាយរបស់លោកបានកើតឡើងខណៈដែលមេដឹកនាំគណបក្សផ្ទាល់របស់លោក Yoon បាននិយាយថាលោកប្រធានាធិបតីមិនបានបង្ហាញសញ្ញានៃការលាលែងពីតំណែងឡើយ ហើយត្រូវតែត្រូវបានចោទប្រកាន់។
លោក Han Dong-hoon មេដឹកនាំគណបក្សកាន់អំណាចបាននិយាយកាលពីថ្ងៃទី ១២ ខែធ្នូថាលោក Yoon គួរតែត្រូវបានព្យួរភ្លាមៗពីភារកិច្ចរបស់គាត់បន្ទាប់ពីបានប្រកាសច្បាប់អាជ្ញាសឹករយៈពេលខ្លីកាលពីសប្តាហ៍មុន។
លោក Han បាននិយាយថា មធ្យោបាយតែមួយគត់ដែលអាចធ្វើដូច្នេះបាន គឺត្រូវឲ្យសមាជិកសភាបក្សកាន់អំណាចបោះឆ្នោតដើម្បីចោទប្រកាន់៕(ប្រែសម្រួលដោយ លោកសំណាង)
