ភ្នំពេញ ៖ ជនសង្ស័យ១១នាក់ដែលធ្វើសកម្មភាពលួចនិងឆក់យ៉ាងសកម្មជាច្រើនករណីនៅក្នុងរាជធានីភ្នំពេញ ត្រូវបានកម្លាំងនគរបាលការិយាល័យព្រហ្មទណ្ឌកម្រិតស្រាលរាជធានីភ្នំពេញនិងកម្លាំងនគរបាលខណ្ឌចំការមនឃាត់ខ្លួនហើយយកមកបង្ហាញមុខជាសាធារណៈរួមគ្នាកាលពីព្រឹកថ្ងៃទី១ខែធ្នូឆ្នាំ២០២៤នេះ។
លោកវរសេនីយ៍ឯក ម៉ម សាវន ប្រធានការិយាល័យព្រហ្មទណ្ឌកម្រិតស្រាលរាជធានីភ្នំពេញបានឱ្យដឹងថាដោយមានបទបញ្ជាពីឯកឧត្តមឧត្តមសេនីយ៍ឯកជួន ណារិន្ទ អគ្គស្នងការរងនគរបាលជាតិនិងជាស្នងការនគរបាលរាជធានីភ្នំពេញនិងលោកឧត្តមសេនីយ៍ប៊ុន សត្យាស្នងការរងនគបាលរាជធានីភ្នំពេញទទួលផែននគរបាលព្រហ្មទណ្ឌកម្លាំងនគរបាល ការិយាល័យព្រហ្មទណ្ឌកម្រិតស្រាលបានស្រាវជ្រាវឃាត់ខ្លួនជនសង្ស័យជាបន្តបន្ទាប់បាន៨នាក់ហើយនគរបាលខណ្ឌចំការមនឃាត់ខ្លួនបាន៣នាក់, សរុបទាំងអស់ ១១នាក់ដែលត្រូវបង្ហាញមុខនៅពេលនេះ។
លោកវរសេនីយ៍ឯក ម៉ម សាវនបន្តថា នៅថ្ងៃទី២៩ និងថ្ងៃទី៣០ ខែវិច្ឆិកា ឆ្នាំ២០២៤ នគរបាលព្រហ្មទណ្ឌកម្រិតស្រាលបានឃាត់ខ្លួនជនសង្ស័យសរុប០៥ នាក់ (ស្រី០១នាក់) និងចាប់យកវត្ថុតាង ពាក់ព័ន្ធបទល្មើស អំពើលួចម៉ូតូចំនួន០២ ករណី៖ករណីទី១-លួចម៉ូតូម៉ាកហុងដាសេ១២៥ ពណ៌ ខ្មៅ ស៊េរីឆ្នាំ២០១៧ ពាក់ផ្លាកលេខត្បូងឃ្មុំ ១D-៩៧២៣មិនបានសម្រេចនៅប្រព្រឹត្តនៅក្រោយផ្ទះលេខA៣១ ភូមិ១ សង្កាត់ស្រះចក ខណ្ឌដូនពេញកាល ពីថ្ងៃទី២៨ ខែវិច្ឆិកាឆ្នាំ២០២៤ ។
ករណីទី២-អំពើលួចលួចយកម៉ូតូម៉ាកហុងដាសេ១២៥ ពណ៌ខ្មៅ ស៊េរីឆ្នាំ២០១៧ ពាក់ផ្លាកលេខ ភ្នំពេញ១GK ៩៦៥៨ប្រព្រឹត្តនៅចំណុចផ្លូវបេតុង ភូមិកំរៀង សង្កាត់ព្រៃវែង ខណ្ឌដង្កោ កាលពីថ្ងៃទី២៩ ខែវិច្ឆិកា ឆ្នាំ២០២៤ ។
ដោយឡែកជនសង្ស័យចំនួន៣នាក់ទៀតត្រូវបានកម្លាំងការិយាល័យនគរបាលព្រហ្មទណ្ឌ ឃាត់ខ្លួនកាលពីវេលាយប់ថ្ងៃទី២៩ ខែវិច្ឆិកាឆ្នាំ២០២៤ នៅចំណុចផ្ទះសំណាក់ លី ហួរ សង្កាត់កាកាបទី១ ខណ្ឌពោធិ៍សែនជ័យ ពីបទ ឆក់យកទ្រព្យសម្បត្តិប្រជាពលរដ្ឋ)ចំនួន ០៤ករណី ។
ករណីទី១-អំពើឆក់យកទូរសព្ទដៃមិនបានសម្រេច ប្រព្រឹត្ត នៅចំណុចមុខសណ្ឋាគារឈុនហួយ ផ្លូវលេខ១១៣K ភូមិក្បាលដំរី២ សង្កាត់កាកាប២ ខណ្ឌពោធិសែនជ័យ កាលពី ថ្ងៃទី២៨ ខែវិច្ឆិកា ឆ្នាំ២០២៤ ,ករណីទី២-អំពើឆក់យកទូរសព្ទដៃមិនបានសម្រេច នៅចំណុចទល់មុខកន្លែងជួសជុលម៉ូតូ ផ្លូវលេខ១១៣K ភូមិព្រៃទា១ សង្កាត់ចោមចៅ៣កាលពីថ្ងៃទី២៨ ខែវិច្ឆិកា ឆ្នាំ២០២៤, ករណីទី៣-ឆក់យកទូរសព្ទដៃប្រព្រឹត្តនៅចំណុច ផ្លូវបេតុង ភូមិក្បាលដំរី២ សង្កាត់កាកាប២ ខណ្ឌពោធិ៍សែនជ័យ កាលពីថ្ងៃទី២៥ ខែវិច្ឆិកា ឆ្នាំ ២០២៤និងករណីទី៤-ឆក់ទូរសព្ទពីជនជាតិចិនប្រព្រឹត្តនៅចំណុចផ្លូវសហព័ន្ធរុស្ស៊ី ភូមិចុងថ្នល់ខាងកើត សង្កាត់ទឹកថ្លា ខណ្ឌសែនសុខ កាលពីថ្ងៃទី២៦ ខែវិច្ឆិកា ឆ្នាំ២០២៤ ។
ចំណែកជនសង្ស័យ៣នាក់ទៀតធ្វើសកម្មភាពឆក់យ៉ាងសកម្មត្រូវបានកម្លាំងនគរបាលខណ្ឌចំការមនឃាត់ខ្លួនហើយយមមកបង្ហាញមុខជាសាធារណៈរួមគ្នាតែម្ដងសរុបទាំងអស់១១នាក់៕(ដោយ សំណាង)
