ភ្នំពេញ ៖ នគរបាលនាយកដ្ឋានប្រឆាំងបទល្មើសបច្ចេកវិទ្យានៃក្រសួងមហាផ្ទៃ នាថ្ងៃទី ០៧ខែ ធ្នូ ឆ្នាំ ២០២៣ បានបង្ហាញមុខជនសង្ស័យម្នាក់ ភេទស្រី បន្ទាប់ពីឃាត់ខ្លួនតាមដីកាបង្គាប់ឱ្យនាំខ្លួនរបស់លោក ស សំណាង ចៅក្រមស៉ើបសួរ នៃសាលាដំបូងរាជធានីភ្នំពេញ ពីបទ«ឆបោក»ដែលប្រព្រឹត្តទៅនៅរាជធានីភ្នំពេញ កាលពីថ្ងៃទី ០៥ ខែ ធ្នូ ឆ្នាំ២០២៣ ។
សមត្ថកិច្ចនិយាយថា កាលពី ថ្ងៃទី២៥ ខែមករា ឆ្នាំ២០២៣ ជនរងគ្រោះដែលបានមកដាក់ពាក្យបណ្តឹងនៅនាយកដ្ឋានប្រឆាំងបទល្មើសបច្ចេកវិទ្យា បានចោទជនសង្ស័យខាងលើបានប្រើប្រាស់គណនីតេឡេក្រាមឈ្មោះ Emily Emily ឆាតទៅជនរងគ្រោះដើម្បីចរចាទិញកាបូបម៉ាក CHANEL COCO LIZARD HANDLE ក្នុងតម្លៃ៣៨០០ដុល្លារ។ក្រោយពីបានទទួលកាបូបរួច ជនសង្ស័យមិនបានទូទាត់ប្រាក់ឱ្យជនរងគ្រោះឡើយ ។
បច្ចុប្បន្ននាយកដ្ឋានប្រឆាំងបទល្មើសបច្ចេកវិទ្យា បានបញ្ជូនជនសង្ស័យទៅសាលាដំបូងរាជធានីភ្នំពេញ នាថ្ងៃទី៧ធ្នូឆ្នាំ២០២៣ ដើម្បីចាត់ការតាមនីតិវិធីនៃច្បាប់៕(ដោយ គា សំណាង)
![](https://bbn-tv.cc/wp-content/uploads/2023/12/Untitled3564_20231208080110.png)