ព្រះសីហនុ ៖ បុរសជាកម្មករជនជាតិខ្មែរម្នាក់ បានបាត់បង់ជីវិតភ្លាមៗនៅកន្លែងកើតហេតុ ក្រោយជួបឧបហេតុធ្លាក់កញ្ចក់សង្កត់លើ កើតឡើងកាលពីវេលាម៉ោងជាង ៣រសៀល ថ្ងៃទី២៨ ខែតុលា ឆ្នាំ២០២៣ នៅខាងមុខសណ្ឋាគារហាយន័ក ម៉ាន់ ជីងភីង ក្រុមទី៣ ភូមិ១ សង្កាត់លេខ៣ ក្រុង-ខេត្តព្រះសីហនុ ។
សមត្ថកិច្ចបានឱ្យដឹងថា ជនរងគ្រោះឈ្មោះ ជន វិន ភេទប្រុស ជនជាតិខ្មែរ អាយុ២៩ឆ្នាំ មុខរបរកម្មករ មានស្រុកកំណើត ខេត្តកំពត បច្ចុប្បន្នស្នាក់នៅ ភូមិ៥ សង្កាត់លេខ១ ក្រុងព្រះសីហនុ ខេត្តព្រះសីហនុ ។
សមត្ថកិច្ចបន្តថា ខណៈពេលកំពុងលើកផ្ទាំងកញ្ចក់ដាក់លើរថយន្ត ក៏ធ្លាក់សង្កត់លើកម្មកររងគ្រោះ នៅខាងមុខសណ្ឋាគារ ហាយន័ក ម៉ាន់ ជីងភីង បណ្តាលឱ្យជនរងគ្រោះបាត់បង់ជីវិតភ្លាមៗ ហើយក៏មានកម្មកររងរបួស៣នាក់ទៀត។
បច្ចុប្បន្ន សមត្ថកិច្ចជំនាញបានចុះចុះពិនិត្យនិងធ្វើកោសល្យពិច័យតាមនីតិវិធី ៕
