ភ្នំពេញ ៖ លោកឧត្តមសេនីយ៍ទោម្នាក់ដែលគេស្គាល់ថាជាអនុប្រធាននាយកដ្ឋាននគរបាលព្រហ្មទណ្ឌ សង្ស័យមានវិបត្តិក្នុងគ្រួសារធ្ងន់ធ្ងរបានសម្រេចចិត្តយកកំាភ្លេីងបាញ់បញ្ចប់ជីវិតខ្លួនឯងនៅក្នុងផ្ទះបន្ទប់ឡៅតឿ បង្កការភ្ញាក់ផ្អើលទាំងយប់។
ហេតុការណ៍នេះបានកើតឡើងកាលពីវេលាម៉ោង១២និង៣០នាទី រំលងអធ្រាត្រ ឈានចូលថ្ងៃទី១៩ ខែសីហា ឆ្នាំ២០២៣ នៅចំណុចផ្ទះលេខ២៩ ផ្លូវម្លិះ ក្នុងបុរីអ័រគីដេ សង្កាត់អូរបែកក្អម ខណ្ឌសែនសុខ រាជធានីភ្នំពេញ ។
សពរងគ្រោះមានឈ្មោះ អ៉ីវ រិទ្ធ ភេទប្រុសអាយុ៥០ឆ្នាំ មុខរបរជានគរបាល មានឋានន្តរសក្ដិ ឧត្ដមសេនីយ៍ទោ តួនាទីអនុប្រធាននាយកដ្ឋាននគរបាលព្រហ្មទណ្ឌ ស្នាក់នៅផ្ទះកេីតហេតុខាងលើ ។
តាមប្រភពពត៌មានពីកូនស្រីរបស់សពបានប្រាប់ឱ្យសមត្ថកិច្ចដឹងថា មុនកេីតហេតុ ជនរងគ្រោះនិងប្រពន្ធបានចេញទៅកម្មវិធី គេនៅខាងក្រៅរៀងៗខ្លួន, ពេលត្រឡប់មកផ្ទះវិញ ពួកគាត់បានទាស់ពាក្យសម្តីគ្នាបន្តិចប្បន្ទូចហើយប្រពន្ធបានដេីរចូលទៅក្នុងផ្ទះមុន បន្ទាប់មកជនរងគ្រោះបានដេីរចូលទៅបន្ទប់កូនស្រីជាន់ឡៅតឿ រួចក៏បាញ់សម្លាប់ខ្លួនឯងតែម្តង។
ប្រភពដដែលបានបន្តទៀតថា ជនរងគ្រោះ បានគំរាមសម្លាប់ខ្លួន ជាច្រើនលេីកច្រើនសារមកហើយ ឱ្យតែឈ្លោះប្រកែកគ្នាជាមួយប្រពន្ធ។
បន្ទាប់ពីកេីតសមត្ថកិច្ចមូលដ្ឋានបានចុះទៅដល់កន្លែងកើតហេតុ និងរាយការណ៍ទៅផ្នែកជំនាញ ចុះមកត្រួតពិនិត្យជុំវិញកន្លែងកើតហេតុ និងនិងពិនិត្យលេីសពរងគ្រោះ ឃេីញមានស្នាមគ្រាប់កាំភ្លើង ត្រង់ក្បាលចំហៀងខាងស្តាំ នៅកន្លែងកើតហេតុសមត្ថកិច្ចរកឃេីញ កាំភ្លើងខ្លីមួយដេីម និងនិងសំបកគ្រាប់មួយ។
យោងតាមការត្រួតពិនិត្យ ពីនគរបាល បច្ចេកទេសនិងវិទ្យាសាស្ត្រ និង មានមានការត្រួតពិនិត្យពីគ្រូពេទ្យកោសល្យវិច័យរាជធានីភ្នំពេញ បានសន្និដ្ឋាន «សពពិតជាស្លាប់ដោយសារប្រេីកាំភ្លើងខ្លីបាញ់សម្លាប់ខ្លួនពិតពិតប្រាកដមែន»។
ក្រោយពិនិត្យនិងកោសល្យវិច្ច័យរួចរាល់សពត្រូវបានប្រគល់ជូនសាច់ញាតិក្រុមគ្រួសារធ្វើបុណ្យនៅផ្ទះលេខ២៩ ផ្លូវម្លិះ បុរីអ័រគីដេរ ភូមិអ័រគីដេរ សង្កាត់អូរបែកក្អម ខណ្ឌសែនសុខ រាជធានីភ្នំពេញ៕(ដោយ សំណាង៩៦)