កំពង់ស្ពឺ ៖ មានរថយន្ដ១គ្រឿងហ៊ីយ៉ាន់ដាយ ពណ៌ស គ្មានស្លាកលេខ ទម្ងន់2.5តោន អ្នកបើកបរឈ្មោះ គា ទីណាភេទប្រុស អាយុ២៤ឆ្នាំ រស់នៅភូមិកណ្ដក់ ឃុំព្រៃក្រសាំង ស្រុកសាមគ្គីមុនីជ័យ ដឹកកម្មករ-កម្មការិនី រោងចក្រសរុបជាង៧០នាក់ បណ្តាលឱ្យក្រឡាប់របួសធ្ងន់-ស្រាលជាច្រើននាក់ នៅព្រឹកថៃ្ងសៅរ៍ទី០៥ខែសីហាឆ្នាំ២០២៣ វេលាម៉ោង០៥និង៥៨នាទី ចំណុចភូមិទ្រា ឃុំព្នាយ ស្រុកសំរោងទង ខេត្តកំពង់ស្ពឺ។
ប៉ូលិសនិយាយថា មូលហេតុ រថយន្ដបើកបរ បាត់ម្ចាស់ការ ដោយធ្វើដំណើរពីទិសខាងជើង-ទៅត្បូងមកដល់ចំណុចផ្លូវកោង រថយន្ដបត់ទៅកើតបណ្ដាលអោយរេចង្កូតក្រឡាប់ធ្លាក់ស្រែ ។
តាមការបញ្ជាក់ពី លោកវរៈសេនីយ៍ឯក ឃុត សុផល អធិការស្រុកសំរោងទង អ្នករងរបួសមានចំនួនជាង៣០នាក់ ធ្ងន់-ស្រាល ខណៈពេលនេះសមត្ថកិច្ចនគរបាលបានកំពុងជួយសម្រួលនិងសង្រ្គោះបញ្ជូនទៅកាន់មន្ទីរពេទ្យឯកជន-រដ្ឋ សង្រ្គោះបន្ទាន់ ។
របាយការណ៍លម្អិតជូនបន្ដ៕(ប៉ូច គឹមសុខ)
