ភ្នំពេញ ៖ បុរសម្នាក់ត្រូវមនុស្សក្រុមបាញ់សម្លាប់ កាលពីវេលាម៉ោង ១និង៣០នាទីរសៀល ថ្ងៃទី២៩ ខែកក្កដា ឆ្នាំ២០២៣ នៅចំណុចមុខសាលា HOME OF ENGLISH ផ្លូវលេខ៣៦០ សង្កាត់ទួលស្វាយព្រៃ១ ខណ្ឌបឹងកេងកង រាជធានីភ្នំពេញ ។
ជនរងគ្រោះមានឈ្មោះ MINH HUNG KHUOU ភេទប្រុស អាយុ៣៥ឆ្នាំ ជនជាតិវៀតណាម ស្នាក់នៅបន្ទប់លេខ០៨-១១ ខុនដូរGOLDEN ONE ផ្លូវលេខ៣៦០ សង្កាត់ទួលស្វាយព្រៃ១ ខណ្ឌបឹងកេងកង រាជធានីភ្នំពេញ។៕ក្រិមជនសង្ស័យ មានចំនួន៤នាក់ភេទប្រុស ( មិនស្គាល់អត្ដសញ្ញាណ ) ប្រើមធ្យោបាយរថយន្ត១គ្រឿង ម៉ាកLexus NX200T ពណ៌ស និងម៉ូតូ០១គ្រឿង ម៉ាកឃ្លីក ។
សមត្ថកិច្ចបាន ប្រមូលវត្ថុតាងរួមមាន – សំបកគ្រាប់កាំភ្លើង – កាំបិតចុងស្រួចចំនួន២ដើម – ក្រាមសថ្លា១កូនថង់ផ្លាស្ទិច- ម្សៅក្រាមនៅក្នុងចានចំនួន២នៅ លើតុក្នុងបន្ទប់ ជនរងគ្រោះ – ដបទឹក១ចោះគំរបដោតទុយោបឺត និងបំពង់បឺត។
ដំណេីររឿងហេតុបានបង្ហាញថា យោងតាមការបំភ្លឺរបស់មិត្តជនរងគ្រោះឈ្មោះ វ័រ ដុងស៊ឹម អាយុ ២៧ឆ្នាំ ជនជាតិ វៀតណាម បានឲ្យដឹងថា: មុនពេលកើតហេតុខ្លួនបានទិញនំបុ័ងពីម្តុំផ្សារអូឡាំពិក មកឲ្យជនរងគ្រោះ នៅបន្ទប់លេខ ៨១១ សណ្ឋាគារ ហ្គោលដែនវ័ន អាគារលេខ៤១EO ផ្លូវ៣៦០ សង្កាត់ទួលស្វាយព្រៃ១ ខណ្ឌបឹងកេងកង ។
ក្រោយមកលឺជនរងគ្រោះនិយាយទូរស័ព្ទជាភាសាវៀតណាម “អូខេ ខ្ញុំចុះទៅហើយ” បន្ទាប់មកប្រហែល២០នាទី ស្រាប់តែខាងទទួលភ្ញៀវខុនដូរ ឡើងមកប្រាប់ថា មិត្តភ័ក្តបង ត្រូវបានគេបាញ់ស្លាប់ហើយ ទើបខ្លួនរត់ចុះ មកមើលឃើញថាពិតមែន ។
បន្ទាប់មកសមត្ថកិច្ច យេីងទទួលបានពត៍មាន ចុះដល់កន្លែងកេីតហេតុ ធ្វេីការត្រួតពិនិត្យជុំវិញកន្លែងកេីតហេតុ និងឆែកកាំមេរ៉ាសុវត្ថិភាព ឃេីញជនរងគ្រោះដេីរមកដល់ភ្លេីងស្ដុប ផ្លូវ១៦៣ កែង៣៦០ក្បែរធនាគាប្រាសាក់ ពេលនោះក៏មានជនសង្ស័យ០២នាក់ជិះម៉ូតូ០១គ្រឿងម៉ាកឃ្លីក មិនច្បាស់ផ្លាកលេខ ជនសង្ស័យអង្គុយក្រោយ ចុះមកដេីររកជនរងគ្រោះ ពេលនោះជនរងគ្រោះបានដកកាំបិត ពីក្នុងកាបូប ហេីយជនសង្ស័យនោះបានដកកាំបិត កាប់គ្នាទៅវិញទៅមក បន្ទាប់មកក៏មានបក្ខពួកជនសង្ស័យម្នាក់ទៀត បានចុះពីលេីរថយន្ដ ម៉ាកLexus NX200T ពណ៌ស ។
បន្ទាប់មកជនរងគ្រោះក៏រត់គេចខ្លួន មកដល់មុខសាលាហូម ផ្លូវ៣៦០ ក៏ត្រូវបានបក្ខពួកជនសង្ស័យម្នាក់ទៀត រួមនិងជនសង្ស័យដែលជិះម៉ូតូខាងក្រោយ បានដក់កាំភ្លេីងមិនស្គាល់ម៉ាក បាញ់ទៅលេីជនរងគ្រោះ ត្រូវចំដេីមដៃខាងឆ្វេង និងត្រូវចំក្រោមក្លៀកខាងឆ្វេង ដួលស្លាប់នៅកន្លែងកេីតតែម្ដង។ បន្ទាប់មកក្រុមពួកជនសង្ស័យ បានរថយន្ដ និងម៉ូតូគេចខ្លួនបាត់ ។ បច្ចុប្បន្នសាកសពជនរងគ្រោះតម្កល់នៅវត្តស្ទឹងមានជ័យ សង្កាត់ស្ទឹងមានជ័យ ខណ្ឌមានជ័យ ៕ ដោយ ៖ ប៉ូច គឹមសុខ