ភ្នំពេញ ៖ មានករណីស្ត្រីជនបរទេសម្នាក់ស្លាប់ដោយចងក នៅចំណុចខុនដូRCHID PARK បន្ទប់F8 U-1 ជាន់ទី8 ផ្លូវលេខ៣០៤ ភូមិ២ សង្កាត់បឹងកេងកងទី២ ខណ្ឌបឹងកេងកង កើតឡើងនៅថ្ងៃទី២០មេសាឆ្នាំ២០២៣ វេលាម៉ោង៦និង៤០នាទីព្រលប់ ។
សមត្ថកិច្ចមូលដ្ឋាននិយាយថា សពឈ្មោះ DAO THI HUE ភេទស្រី អាយុ២៩ឆ្នាំ ជនជាតិវៀតណាម កាន់លិខិតឆ្លងដែនលេខ C4861034 ស្នាក់នៅចំណុចខុនដូRCHID PARK បន្ទប់F8 U-1 ជាន់ទី8 ផ្លូវលេខ៣០៤ ភូមិ២ សង្កាត់បឹងកេងកងទី២ ខណ្ឌបឹងកេងកង រាជធានីភ្នំពេញ មុខរបរទេសចរណ៍។
យោងតាមការបំភ្លឺឈ្មោះ CHENG TIANCI ភេទប្រុស អាយុ៣៧ឆ្នាំ ជនជាតិចិន ដែលត្រូវជាមិត្តប្រុស របស់ជនរងគ្រោះបានឱ្យដឹងថា នៅថ្ងៃទី២០មេសាឆ្នាំ២០២៣ វេលាម៉ោង១២និង៤០នាទីរំលងអធ្រា្រត មិត្តស្រីរបស់ខ្លួនឈ្មោះ DAO THI HUE ភេទស្រី អាយុ២៩ឆ្នាំ ជនជាតិវៀតណាម បានទំនាក់ទំនងតាមឆាតតេឡេក្រាម ឲ្យទៅយកនៅអាផាតមិន ផ្លូវលេខ២៨៨ សង្កាត់បឹងកេងកងទី១ ខណ្ឌបឹងកេងកង ដេីម្បីគេងជាមួយគ្នា នៅចំណុចខុនដូរRCHID PARK បន្ទប់F8 U-1 ជាន់ទី8 ផ្លូវលេខ៣០៤ ភូមិ២ សង្កាត់បឹងកេងកងទី២ ខណ្ឌបឹងកេងកង ។
សាក្សីបន្តថា លុះដល់ម៉ោងប្រហែល១០និង៥០នាទី រូបខ្លួនបានជិះរថយន្ដ ចេញពីខុនដូខាងលេី ទៅជួបមិត្ដភក្ដិនៅម្ដុំច្បារអំពៅ ,ចំណែកមិត្ដស្រីរបស់ខ្លួនស្នាក់នៅក្នុងបន្ទប់ម្នាក់ឯង រហូតដល់ម៉ោងប្រហែល១១និង៣០នាទី មិត្តស្រីរបស់ខ្លួនបានឆាតមកប្រាប់ថា «ខូចវ៉ានទឹក»។ បន្ទាប់មករូបខ្លួនក៏ផ្ញេីលុយឱ្យដេីម្បីប្ដូរវ៉ានទឹក។
សាក្សីដដែលបន្តទៀតថា លុះដល់ម៉ោងប្រហែល៦និង១០នាទីព្រលប់ រូបខ្លួនបានមកដល់បន្ទប់ខុនដូវិញ ដោយឃើញទ្វារបន្ទប់ជាប់សោស្វាយប្រវត្ដិ រូបខ្លួនបានយកកាតបេីកទ្វារចូលមកដល់កន្លែងទទួលភ្ញៀវ ហេីយបន្ទប់គេងបិទទ្វារ តែមិនជាប់សោទេ រួចក៏បេីកទ្វារចូល ស្រាប់តែឃេីញមិត្ដស្រីរបស់ខ្លួន«ចងក»និងចំណងខ្សែសំប៉ែត ជាប់សោទ្វារ ។ភ្លាមនោះរូបខ្លួនបានលេីកមិត្ដស្រីមកដាក់លេីគ្រែពូក ជួយធ្វេីចលនាបេះដូង តែមិនមានចលនាដង្ហេីមទេ រួចក៏ទូរសព្ទហៅផ្នែករដ្ឋបាលមកជួយមេីល ប៉ុន្តែមិត្តស្រីរបស់ខ្លួនបានស្លាប់ហេីយ ។ បន្ទាប់មកក៏បានរាយការណ៍មកសមត្ថកិច្ចតែម្ដង។
យោងតាមការពិនិត្យរបស់ការិយាល័យបច្ចេកទេស និងលោកឧកញ៉ាវេជ្ជបណ្ឌិត នង សុវណ្ណរ័ត្ន គ្រូពេទ្យកោសល្យវិច័យរាជធានីភ្នំពេញ បញ្ជាក់ថា «សាកសពឈ្មោះ DAO THI HUE ស្លាប់ដោយសារ ការធ្វេីអត្តឃាតចងកសម្លាប់ខ្លួនឯងពិតមែន»។
បច្ចុប្ប្ននសាកសពខាងលើ បានយកទៅតម្កល់ក្លាស្សេនៅវត្ដស្ទឹងមានជ័យ សង្កាត់ស្ទឹងមានជ័យ១ ខណ្ឌមានជ័យ រង់ចាំសាច់ញាតិមកទទួល ធ្វេីបុណ្យតាមប្រពៃណី ៕(ដោយ សំណាង៩៦)
