បរទេស ៖ អគារចំណតរថយន្តមួយបានដួលរលំកាលពីថ្ងៃអង្គារទី១៨ ខែមេសាឆ្នាំ២០២៣ នៅក្នុងសង្កាត់ហិរញ្ញវត្ថុម៉ាហាថែន (Manhattan) បណ្តាលឱ្យបុគ្គលិកម្នាក់បាត់បង់ជីវិត និងរបួស៥នាក់ និងរថយន្តជាច្រើនត្រូវខូចខ្ទេចខ្ទីខណៈជាន់លើបេតុងបានដួលរលំត្រួតលើគ្នា ។ នេះបើយោងតាមក្រុមមន្ត្រីមូលដ្ឋាននិយាយក្រុមអ្នកព័ត៌មាន ។
ហេតុការណ៍ខាងលើនេះ បណ្តាលឱ្យរថយន្តបានធ្លាក់គរលើគ្នាដូចស្ទឹងទឹកកកនៃរថយន្តស៊េរីទំនើបនិងរថយន្ត SUV ហើយមនុស្សនៅក្បែរនោះបានពណ៌នាអំពីសំឡេងញ័ររញ្ជួយគួរឱ្យភ័យខ្លាចអមដោយសម្រែករបស់មនុស្ស។
លោក អាម៉េត ស្កុត (Ahmed Scott) បានមកដល់ដើម្បីយករថយន្តរបស់គាត់បន្ទាប់ពីចេញពីធ្វើការ ហើយបានប្រទះឃើញគ្រោះមហន្តរាយកើតឡើងនៅនឹងមុខលោក។
នៅក្នុងវីដេអូដែលគាត់ថតពីម្ខាងទៀតនៃផ្លូវ មានមនុស្សម្នាក់នៅពីក្រោយកាមេរ៉ាបានស្រែកថា «ឆ្មាំយាម! ៩១១! ៩១១! មានអគារមួយបាក់នៅផ្លូវអាន (Ann)»ដែលអមដោយសំឡេងបាក់អគារគ្រាំងៗ ។ ប្រហែល ៤៥ វិនាទីក្រោយមក ស្ត្រីពីរនាក់បានរត់ចេញមកក្រៅ ដោយនិយាយថា «អគារនេះកំពុងដួលរលំហើយខណៈពួកនាងបានស្ថិតនៅខាងក្នុងនោះ»។
បុរសម្នាក់ឈរលើចម្រឹងគេចពីអគ្គិភ័យ ខណៈអ្នកឈរមើលព្យាយាមរកវិធីជួយគាត់ចុះមកក្រោម។ លោកស្កុតបាននិយាយថា«នៅទីបំផុតគាត់អាចចុះមកក្រោមបាន។ ខ្ញុំសង្ឃឹមថាគ្មាននរណាម្នាក់ស្ថិតនៅទីនោះដោយបារម្ភពីសុខទុក្ខបុគ្គលិកដែលគាត់ស្គាល់នៅទីនោះ»៕(ប្រែសម្រួលដោយ លោកសំណាង)