ពោធិ៍សាត់ ៖ មានករណីគ្រោះថ្នាក់ចរាចរណ៍ កើតឡើងដោយបុរសចិនបើករថយន្តបុករះមនុស្សនិងម៉ូតូបណ្តាលឱ្យបាត់បង់ជីវិតមនុស្ស២នាក់ស្លាប់ភ្លាមៗ និង រងរបួសធ្ងន់ស្រាល៧ នាក់ នៅវេលាម៉ោង៦និង២៥នាទីយប់ថ្ងៃទី១៦មេសា២០២៣ នៅលេីកំណាត់ផ្លូវកំណាត់ផ្លូវជាតិលេខ៥៥ ចន្លោះគីឡូម៉ែតលេខ៧៦និង៧៧ មុខផ្សារ០៧ ស្ថិតក្នុងភូមិស្ទឹងថ្មី ឃុំប្រម៉ោយ ស្រុកវាលវែង ខេត្តពោធិ៍សាត់។
លោកវរសេនីយ៍ឯក ធាងឡេង អធិការនគបាលស្រុកវាលវែង បានឱ្យដឹងនៅរសៀលថ្ងៃទី១៧មេសា២០២៣ថាករណីគ្រោះថ្នាក់ចរាចរណ៍ខាងលើនេះបណ្តាលឱ្យមនុស្ស២នាក់បាត់បង់ជីវិតនិងរបួស៧នាក់ រួមមាន ១-ឈ្មោះជួន កក្កដា ភេទប្រុស អាយុ២៥ឆ្នាំ រស់នៅ ភូមិសំឡាញ ឃុំក្រពេីពីររ ស្រុកវាលវែង បេីកបរម៉ូតូម៉ាកHONDA DREAM ពាក់ស្លាកលេខ ពោធិ៍សាត់ 1H-2665 ,២-ឈ្មោះ ប៊ុន ជុំ ភេទប្រុស អាយុ៦៧ ឆ្នាំ រស់នៅខេត្តបាត់ដំបង របួសធ្ងន់ បញ្ជូនទៅមន្ទីពេទ្យខេត្តពោធិ៍សាត់ បេីកបរម៉ូតូម៉ាក HONDA DREAM ពាក់ស្លាកលេខ ពោធិ៍សាត់ 1I-8369 ។
ចំណែកអ្នកដែលឈរមើលលើដងផ្លូវបណ្តាលឱ្យស្លាប់និងរបួស រួមមាន ៣-ឈ្មោះ វ៉ាន់ដេវិត ភេទប្រុស អាយុ ១៤ ឆ្នាំ រស់នៅចំណុចទួលគ្រួស ភូមិស្ទឹងថ្មី ឃុំប្រម៉ោយ ស្លាប់នៅកន្លែងកើតហេតុ, ៤-ឈ្មោះ មៃ សៀងហៃ ភេទប្រុស អាយុ ១៧ ឆ្នាំ រស់នៅចំណុចទួលគ្រោះ ភូមិស្ទឹងថ្មី ឃុំប្រម៉ោយ របួសធ្ងន់, ៥-ឈ្មោះ ឆេង ជាសុផារ៉ា ភេទប្រុស អាយុ២៣ ឆ្នាំ រស់នៅចំណុចទទួលគ្រោះ ភូមិស្ទឹងថ្មី ឃុំប្រម៉ោយ របួសស្រាល ,៦-ឈ្មោះ ផុន ស្រីលាភ ភេទស្រី អាយុ ១៩ ឆ្នាំ រស់នៅចំណុចកំប៉ង ភូមិសំឡាញ ឃឃុំក្រពេីពី របួសធ្ងន់ ,៧-ឈ្មោះ អ៊ុត សុវ៉ាន់ណារ៉ា ភេទប្រុស អាយុ ១៨ ឆ្នាំរស់នៅចំណុចទទួលគ្រោះ ភូមិស្ទឹងថ្មី ឃុំប្រម៉ោយ របួសធ្ងន់,៨-ឈ្មោះ ចាន់ វេត ភេទប្រុស អាយុ១៤ឆ្នាំ រស់នៅចំណុចទទួលគ្រោះ ភូមិស្ទឹងថ្មី ឃុំប្រម៉ោយ របួសធ្ងន់ត្រូវបានក្រុមគ្រួសារបញ្ជូនទៅមន្ទីពេទ្យក្រុងភ្នំពេញ និង ៩-ឈ្មោះ ធី យ៉ាង ភេទប្រុស អាយុ១៩ឆ្នាំ រស់នៅចំណុចទទួលគ្រោះ ភូមិស្ទឹងថ្មី ឃឃុំប្រម៉ោយរបួសធ្ងន់ ។
លោកវរសេនីយ៍ឯក ធាងឡេង បន្តទៀតថា ក្រោយពេលកើតហេតុប្រជាពលរដ្ឋនិងសមត្ថកិច្ចធ្វើការឃាត់រថយន្តបង្កម៉ាក FOTON TUNLAND ពណ៌ស ពាក់ស្លាកលេខ ភ្នំពេញ 2BS-2152 ផលិតឆ្នាំ២០២២រួមនឹងអ្នកបើករថយន្ត ជាជនជាតិចិន ក្នុងទិសដៅពីកើតទៅលិច ត្រូវបានឃាត់ខ្លួនបាននៅកន្លែងកេីតហេតុ ក្នុងស្ថានភាពស្រវឹងជោកជាំ(មិនទាន់ស្គាល់ឈ្មោះ រួចនាំយកមកអធិការដ្ឋាននគរបាលស្រុក ធ្វើការសាកសួ ។
លោកអធិការបន្តទៀតថា «មូលហេតុគ្រោះថ្នាក់ចរាចរណ៍ខាងលើនេះបណ្តាលមកពីអ្នកបើកបរ រថយន្តប្រេីប្រាស់ក្នុងល្បឿនលឿនមិនប្រកាន់ស្ដាំទើបបណ្តាលឱ្យកើតមានគ្រោះថ្នាក់បែបនេះ»។
ក្រោយពេលកើតហេតុអ្នកស្លាប់ត្រូវបានក្រុមគ្រួសារសាច់ញាតិនាំយកទៅធ្វើបុណ្យ, ដោយឡែកអ្នករងរបួសត្រូវបានសមត្ថកិច្ចនិងប្រជាពលរដ្ឋបាំយកទៅសង្គ្រោះបន្ទាន់នៅមន្ទីរពេទ្យបង្អែកខេត្តពោធិ៍សាត់និងមន្ទីរពេទ្យនៅឯក្រុងភ្នំពេញ ។
ដោយឡែកវត្ថុតាងម៉ូតូ២ គ្រឿង និងរថយន្ត១គ្រឿងបានយកមករក្សាទុកនៅអធិការដ្ឋាននគរបាលស្រុកវាលវែង ជាបណ្តោះអាសន្នរង់ចាំធ្វើការដោះស្រាយតាមនីតិវិធីច្បាប់៕(ដោយ សំណាង៩៦)
