កំពង់ស្ពឺ ៖ រថយន្តទំនើបមួយគ្រឿង បានរងការខូចខាត ដោយសារជនម្នាក់គប់មួយដុំថ្ម នៅវេលាម៉ោង១និង៣០នាទីរសៀល ថ្ងៃទី៥ខែមេសា ឆ្នាំ២០២៣ នៅលេីផ្លូវល្បឿនលឿន ចន្លោះគីឡូម៉ែត្រលេខ ៥៣-៥៤ ស្ថិតនៅភូមិត្រពាំងក្រឡឹង ឃុំគីរីវ័ន្ដ ស្រុកភ្នំស្រួច ខេត្ដកំពង់ស្ពឺ ។
សមត្ថកិច្ចនៃស្នងការនគរបាលខេត្តកំពង់ស្ពឺបានឱ្យដឹងថា ជនសង្ស័យជាជនអនាថា (វិបល្លាសស្មារតី ) ភេទប្រុស អាយុប្រហែល៣០ឆ្នាំ មិនដឹងអាសយដ្ឋាននិងស្រុកកំណេីត ឯរថយន្តរងគ្រោះ ម៉ាកឡិចសុីស ពណ៌ទឹកមាស LX470 ស្លាកលេខ ព្រៃវែង2C-3444 ជាកម្មសិទ្ធិ របស់ឈ្មោះ អ៊ុក សេងហុង ភេទប្រុស អាយុ៥១ឆ្នាំ រស់នៅស្រុកកំពង់ត្របែក ខេត្ដព្រៃវែង ។
អ្នកបើកបររថយន្ដខាងលេីបានបញ្ជាក់ថា រថយន្តគាត់ បេីកបរក្នុងទិសដៅពីលិច ឆ្ពោះទៅទិសខាងកេីត លុះមកដល់ចំណុចខាងលេី បានប្រទះឃេីញមនុស្សដែលសម្ងំឈរអែប នៅលេីផ្លូវល្បឿនលឿន សង្ស័យជាកម្មករផ្លូវល្បឿនលឿន ស្រាប់តែយកដុំថ្មគប់គ្រវែងមកលេីរថយន្ដរបស់គាត់ កំពុងតែបេីកបរ បណ្ដាលឲ្យត្រូវចំចំណុចទ្វារក្រោយខាងស្ដាំ ខូចខាតកំពិត ។
បច្ចុប្បន្នជនសង្ស័យខាងលេី ត្រូវបានសហការយកមកកាន់ អធិការដ្ឋាននគរបាលស្រុកភ្នំស្រួច ដេីម្បីសាកសួរ និងបន្ដនីតិវិធីស្រាវជ្រាវ រកអាណាព្យាបាលក្រុមគ្រួសារទទួលខុសត្រូវ លេីអំពេីដែលបង្ក ។ ក្នុងនាមសមត្ថកិច្ចសង្ឃឹមជឿជាក់ថា ករណីបែបនេះនិងមិនកេីតមានបន្តទៀតទេ ដោយស្នេីសុំកិច្ចសហការពីសមត្ថកិច្ចពាក់ព័ន្ធ ក្រុមហ៊ុន និងប្រជាពលរដ្ឋ ដើម្បីលុបបំបាត់ករណីបែបនេះទាំងស្រុង ៕ ដោយ ៖ គា សំណាង
