ភ្នំពេញ ៖ អភិបាលរងរាជធានីភ្នំពេញ លោក ឃ្លាំង ហួត បានឱ្យដឹងនៅព្រឹកថ្ងៃទី៥ ខែមេសា ឆ្នាំ២០២៣នេះថា ករណីស្នេីសុំច្បាប់សាងសង់ផ្ទះចំនួន ១២ ល្វែងរបស់ឈ្មោះ លី គួង និងកូយ សុធារី ស្ថិតនៅភូមិពោងពាយ សង្កាត់ទួលសង្កែទី២ ខណ្ឌឫស្សីកែវ រាជធានីភ្នំពេញ គឺពិនិត្យឃើញថា មានការសាងសង់មុនលិខិតអនុញ្ញាត ដែលកំពុងចរន្តការក្នុងការសុំច្បាប់សាងសង់ តាមរយៈអង្គភាពច្រកចេញចូលតែមួយ នៃរដ្ឋបាលរាជធានីភ្នំពេញ។
រដ្ឋបាលរាជធានីភ្នំពេញ នឹងចាត់វិធានការផ្លូវច្បាប់ទៅលេីវិស្វ័ករ ឬក្រុមជាង និងម្ចាស់សំណង់ខាងលេីនេះយ៉ាងមុឺងម៉ាត់ តាមច្បាប់ស្ដីពីសំណង់ ដែលដាក់ចេញដោយក្រសួងរៀបចំដែនដី នគរូបនីយកម្ម និងសំណង់។ លោកក៏បានអំពាវនាវដល់ម្ចាស់សំណងទាំងអស់ មេត្តាស្នេីសុំច្បាប់ ឱ្យបានមុនចាប់ផ្ដេីមសាងសង់ តាមរយៈអង្គភាពច្រកចេញចូលតែមួយ នៃរដ្ឋបាលរាជធានីភ្នំពេញ ៕ដោយ ៖ គា សំណាង
