កណ្តាល ៖ មានករណីគ្រោះអគ្គិភ័យ ឆាបឆេះយ៉ាងសន្ធោសន្ធៅបង្កឡើងដោយសាររថយន្តកុងទីន័រ២គ្រឿង បើកបុកគ្នាពេញទំហឹង នៅលើផ្លូវជាតិលេខ១ ទល់មុខផ្សារគគីរ ស្រុកកៀនស្វាយ ខេត្តកណ្តាល កើតឡើងវេលាម៉ោង០១នាទីយប់អធ្រាត្រ ថ្ងៃទី០៤ ខែមិនា ឆ្នាំ២០២៣។
ប្រភពបឋមពីសមត្ថកិច្ចបានឱ្យដឹងថា ដំបូងមានរថយន្តកុងតឺន័របើកតាមផ្លូវជាតិលេខ១ពីលិចទៅកើតយ៉ាងលឿនហើយមានរថយន្តកុងតឺន័របើកតាមផ្លូវជាតិលេខ១ពីកើតមកលិចលឿនដូចគ្នា , លុះមកដល់មុខផ្សារគគីរដែលជាផ្លូវកោងខ្លាំង ក៏បុកគ្នាពេញទំហឹង បណ្តាលឱ្យឆេះផ្ទុះយ៉ាងសន្ធោសន្ធៅតែម្តង ។
ភ្លាមៗនោះមានរថយន្តជាច្រើនគ្រឿងមកពីគ្រប់អង្គភាពបាននិងកំពុងតែជួយពន្លត់ភ្លើងយ៉ាងសកម្ម ហើយបានរលត់ទៅវិញនៅវេលាម៉ោងប្រមាណ៣នាទីយប់ទៀបភ្លឺ នាថ្ងៃទី០៤ ខែមិនា ឆ្នាំ២០២៣ដដែល ៕ដោយ ធ្នូជ័យ
