ភ្នំពេញ ៖ កម្លាំងនគរបាលការិយាល័យប្រឆាំងបទល្មើសព្រហ្មទណ្ឌកងរាជអាវុធហត្ថរាជធានីភ្នំពេញ សហការជាមួយ កម្លាំងមូលដ្ឋានអាវុធហត្ថខណ្ឌពោធិ៍សែនជ័យ នៅថ្ងៃទី០៣ ខែមីនា ឆ្នាំ២០២៣ បានចុះឃាត់ខ្លួនជនសង្ស័យម្នាក់ នៅចំណុចផ្ទះកោសជប់ម៉ាស្សា ផ្លូវ៣០ម៉ែត្រ ភូមិស្រែជំរៅ សង្កាត់ចោមចៅ២ ខណ្ឌពោធិសែនជ័យ ពាក់ពន្ធ័ករណីក្លែងបន្លំជាកងរាជអាវុធហត្ថ ដើរប្រមូលលុយតាមកន្លែងម៉ាស្សាកោសជប់ ព្រមទាំងកាន់កាប់អាវុធខុសច្បាប់។
![](https://bbn-tv.cc/wp-content/uploads/2023/03/365C9E89-8C06-41C4-8201-2D2C98B829BD.png)
មន្ត្រីអាវុធហត្ថនិយាយថា ជនសង្ស័យឈ្មោះ ស៊ី កប ភេទប្រុស អាយុ៣២ឆ្នាំ ទីលំនៅបច្ចុប្បន្ន បន្ទប់ជួល ភូមិទួលពង្រ សង្កាត់ចោមចៅ១ ខណ្ឌពោធិ៍សែនជ័យ រាជធានីភ្នំពេញ បានក្លែងពាក់ឯកសណ្ឋានអាវុធហត្ថ ដាក់ឈ្មោះថា «ហេង សុភក្រ្ក»និងពាក់សក្តិ ថ្នាក់អនុសេនីយ៍ឯក កាន់កាប់អាវុធខ្លី០១ដេីម ម៉ាកK៥៤ លេខ១៩៥២ បង់០១ គ្រាប់០៧គ្រាប់ អាឌី១គ្រឿង ស្រោមកាំភ្លើង០១ ម៉ូតូ ០១គ្រឿង ម៉ាកវ៉េវពណ៌ខ្មៅ ពាក់ស្លាកលេខភ្នំពេញ1JV-2940 ធ្វើសកម្មភាព ដើរប្រមូលលុយតាមកន្លែងម៉ាស្សា កោសជប់ ក្នុងភូមិសាស្ត្រ ខណ្ឌដង្កោ ខណ្ឌពោធិ៍សែនជ័យ និងខណ្ឌមានជ័យ។
![](https://bbn-tv.cc/wp-content/uploads/2023/03/F3F58358-3FE9-4A8A-A447-A14FE96B9891.png)
ក្រោយពេលស្តាប់ចម្លើយរបស់ជនសង្ស័យ បានសារភាពថា «ខ្លួនពិតជាបានក្លែងបន្លំ ឯកសណ្ឋានកងរាជអាវុធហត្ថ ដើរប្រមូលលុយតាមកន្លែងម៉ាស្សាកោសជប់ ព្រមទាំងកាន់កាប់អាវុធខុសច្បាប់ ពិតប្រាកដមែន»។
![](https://bbn-tv.cc/wp-content/uploads/2023/03/975FE582-2920-48BA-B29C-A91B6DA98057.png)
បច្ចុប្បន្នជនសង្ស័យខាងលើ ត្រូវបានកម្លាំងជំនាញការិយាល័យប្រឆាំងបទល្មើសព្រហ្មទណ្ឌ នៃ កងរាជអាវុធហត្ថរាជធានីភ្នំពេញ កសាងសំណុំរឿងបញ្ជូនទៅតុលាការ ដើម្បីចាត់ការតាមនីតិវិធីច្បាប់៕ (ដោយ សំណាង៩៦)
![](https://bbn-tv.cc/wp-content/uploads/2023/03/990CF951-0EEF-42EE-954D-13E4ABC5BCC2.png)
![](https://bbn-tv.cc/wp-content/uploads/2023/03/194EB406-6D62-4A8E-8CEA-47ECD8BCED07.png)