ភ្នំពេញ ៖ បុរសជនជាតិថៃម្នាក់ ជានាយកប្រតិបត្តិក្រុមហ៊ុនKhmer Cold Chain បានបាត់បង់ជីវិតនៅចំណុចក្នុងក្រសួងកសិកម្ម រុក្ខាប្រមាញ់ នឹងនេសាទ ផ្លូវព្រះនរោត្តម ក្រុម៧៦ ភូមិ១៣ សង្កាត់ទន្លេបាសាក់ ខណ្ឌចំការមន កាលពីថ្ងៃទី២៣កុម្ភៈ ឆ្នាំ២០២៣ វេលាម៉ោង ១១និង៣០នាទី។
សមត្ថកិច្ចនិយាយថា ជនរងគ្រោះឈ្មោះ ANURUT CHAOCHAVANIL ភេទប្រុស អាយុ៦៣ឆ្នាំ ជនជាតិថៃ ស្នាក់នៅផ្ទះលេខ៣២ ផ្លូវ២៨៧ ភូមិ២១ សង្កាត់បឹងកក់២ ខណ្ឌទួលគោក មុខរបរនាយកប្រតិបត្តិក្រុមហ៊ុន Khmer Cold Chain កាន់លិខិតឆ្លងដែនលេខAB4018301 ។
តាមការសន្និដ្ឋានរបស់លោកឧកញ៉ាវេជ្ជបណ្ឌិត នង សុវណ្ណរ័ត្ន គ្រូពេទ្យអមសាលាដំបូងរាជធានីភ្នំពេញ និងការិយាល័យនគរបាលបច្ចេកទេសនិងវិទ្យាសាស្រ្តរាជធានីភ្នំពេញថា «ជនរងគ្រោះស្លាប់ដោយគាំងបេះដូង អាចបណ្តាលមកពីជំងឺលេីសឈាម»។
បច្ចុប្បន្នសពជនរងគ្រោះត្រូវបានតម្កល់ទុកនៅវត្តស្ទឹងមានជ័យដេីម្បីរង់ចាំសាច់ញាតិ៕ដោយ សំណាង៩៦
