ភ្នំពេញ: ម្ចាស់ហាងKTV យីហោ ពិភពសំនៀង មួយកន្លែងនាំគ្នាឃាត់ខ្លួនបានក្មេងទំនើងម្នាក់ក្នុងចំណោមបក្ខពួកផ្សេង ដែលបាននាំគ្នាធ្វើសកម្មភាពយកដុំថ្មមកគប់លេីនារីបម្រើការបង្កអោយមានរបួសស្នាម។
ហេតុការណ៍នេះដែរបានកើតឡើងនៅវេលាម៉ោង១និង៣៥នាទីរំលងអាធ្រាត្រឈានចូលថ្ងៃទី១១ខែធ្នូឆ្នាំ២០២៤ស្ថិតនៅតាមបណ្ដោយផ្លូវទួលពង្រ សង្កាត់ចោមចៅទី១ ខណ្ឌពោធិសែនជ័យ រាជធានីភ្នំពេញ។
បេីយោងតាមប្រភពព័ត៌មានបញ្ជាក់ ពីម្ចាស់ហាងបានឲ្យដឹងថា នៅវេលាម៉ោង៧យប់ថ្ងៃទី១០ខែឆ្នាំដដែលក្រុមក្មេងទំនើងទាំងនោះ មានគ្នាជាច្រើនអ្នកជិះម៉ូតូជាច្រើនគ្រឿង បាននាំគ្នាយកដុំថ្មមកគប់កន្លែងកេីតហេតុម្ដងរួច មកហើយតែមិនអ្នក រងរបួសនោះទេបន្ទាប់មកក្រុមក្មេងទាំងនោះ បានជិះរត់គេចខ្លួនទៅបាត់អស់លុះវេលាម៉ោងខាងលើស្រាប់តែលេចមុខក្រុមជន ទាំងនេះមកធ្វើសកម្មភាពម្ដងទៀតដោយយកដុំថ្មជាច្រើនគប់ មកចំនារីដែលបម្រើម្នាក់នឹកបុរសម្នាក់បណ្ដាលឲ្យរងរបួសជើងរួចហើយក៏នាំគ្នាជិះម៉ូតូរត់គេចខ្លួនបាត់អស់។
ប្រភពបានបន្តថា ភ្លាមៗពួកគេបាននាំគ្នាជិះម៉ូតូដេញតាមប្រដេញពីក្រោយជាច្រើនម៉ែត្ររហូតទាន់ចាប់ឃាត់ខ្លួនបានម្នាក់នឹងម៉ូតូ១គ្រឿងម៉ាកហុងដាឌ្រីមសង់០១៧ពណ៌ខ្មៅពាក់ស្លាកលេខភ្នំពេញ1GC-5383នាំមកកន្លែងវិញចំណែកបក្ខពួកផ្សេងនាំគ្នារត់គេចខ្លួនទៅចោលបាត់ស្រមោលអស់ក្នុងនោះផងដែរជនសង្ស័យខាងលើត្រូវបានម្ចាស់ហាងនាំគ្នាព្រួតវាយមួយដៃមួយជេីងម្នាក់រួចប្រគល់ទៅអោយសមត្ថកិច្ចយកទៅសួរនាំ ។
បច្ចុប្បន្នជនសង្ស័យម្នាក់ខាងលើត្រូវបានសមត្ថកិច្ចកំពុងតែកសាងសំណុំរឿងបញ្ជូនខ្លួនទៅកាន់ផ្នែកជំនាញព្រហ្មទណ្ឌអធិការខណ្ឌពោធិសែនជ័យដេីម្បីចាត់ការតាមនិតិវិធីផ្លូវច្បាប់ ៕
