ឯកឧត្តម ស៊ូម សារឿន ប្រធានសមាគមរាជសីហ៍ និងថ្នាក់ដឹកនាំសមាគម ព្រមទាំងថ្នាក់ដឹកនាំសាខាខេត្តកំពត សមាជិក សមាជិកា ជួបសំណេះសំណាលលើកទឹកចិត្ត និងនាំយកថវិកា និង ឯកសណ្ឋានប្រគល់ជូនកីឡាករទូក ង «យុវជនរាជសីហ៍ ធិបតីមហាសែនតេជៈ» ដែលជាទូករបស់សមាគមរាជសីហ៍ ក្នុងឪកាសចូលរួមប្រគួតប្រជែង ដែលប្រព្រឹត្តទៅ ថ្ងៃទី ១១-១២ ខែធ្នូ ឆ្នាំ២០២៤ ខាងមុខនេះ ដើម្បីអបអរសាទរពិធីបុណ្យសមុទ្រលើកទី១១ ឆ្នាំ២០២៤ នាទឹកដីខេត្តកំពត។
ឯកឧត្ដមប្រធានសមាគម តាងនាមថ្នាក់ដឹកនាំ និងសមាជិក សមាជិកា សមាគមរាជសីហ៍ ទាំងក្នុង និងក្រៅប្រទេស សូមលើកទឹកចិត្តដល់ក្រុមកីឡាកទូក ង សមាគមរាជសីហ៍ និងគោរពអោយបាននូវក្រមសីលធម៌និងបទបញ្ជាផ្សេងៗរបស់គណៈកម្មការរៀបចំការប្រគួតព្រមទាំងថែរក្សាសុខភាពឱ្យបានល្អ ដើម្បីឈានឆ្ពោះទៅដណ្ដើមយកជ័យជំនះជូនសមាគម។
សូមសាធារណៈជន ភ្ញៀវជាតិ អន្តរជាតិ និងបងប្អូនប្រជាពលរដ្ឋ អញ្ជើញចូលរួមកម្សាន្តសប្បាយឱ្យបានច្រើនកុះករ និងចូលរួមថែរក្សា អនាម័យ បរិស្ថានទាំងអស់គ្នា។ ដោយ សម្បត្តិ
